Sumqayıt şəhər Təbiət elmləri təmayüllü gimnaziyada "Gənc Heydərçilər" sırasına qəbul tədbiri keçirilib. Bu barədə 9 may tarixində Abşeron-Xızı Regional Təhsil İdarəsi xəbər yayıb.
Tədbirdə Təhsil İdarəsinin müdiri İlhamə Abdullayeva və əməkdaşları, YAP Sumqayıt şəhər təşkilatının sədr müavini Cavid Məmiyev, Milli Məclisin deputatı, Elm və Təhsil Komitəsinin üzvü Müşfiq Məmmədli, gimnaziyanın direktoru Nizami Əhmədov, pedaqoji kollektiv, valideynlər və digər rəsmilər iştirak ediblər.
Qonaqlar ulu öndər Heydər Əliyevin həyat və fəaliyyətindən danışıblar. Onun Azərbaycan təhsilinə verdiyi töhfə və miras qoyduğu təhsil ənənəsinin bu gün də davam etdiyi bildirilib.
Sonda qonaqlar "Gənc Heydərçilər"i təbrik ediblər. Onların ümummilli liderin adına layiq vətandaşlar kimi böyüməsini arzulayıblar.
