24 nömrəli məktəbdə “Heydər Əliyev uşaqların gözü ilə” adlı tədbir keçirilib. Sumqayıt24 bu haqda 13 aprel tarixində Sumqayıt MKS-yə istinadən xəbər verir.
Tədbir Nizami Gəncəvi adına Kitabxana klub və təhsil ocağı tərəfindən təşkil olunub. Məktəbin kitabxanaçısı Səadət Hüseynova Heydər Əliyevin həyatı və çoxşaxəli fəaliyyətindən danışıb.
Çıxışlardan sonra şagirdlərin ifasında müxtəlif şeirlər, mahnılar səslənib. Sonda Kitabxana klubun əməkdaşları iştirakçıları “Azərbaycanın özü qədər əbədi” başlıqlı sərgi-guşədə kitab və dövri mətbuat materialları ilə tanış ediblər.
