Sumqayıtda “İnsan Hüquqları Aylığı” çərçivəsində maarifləndirici tədbir baş tutub. Bu haqda 26 may tarixində Sumqayıt24 Regional Mədəniyyət idarəsinə istinadən xəbər verir.
N.Nərimanov adına Mədəniyyət Mərkəzində keçirilən tədbir “Hüquqlarımızı bilirikmi?” mövzusuna həsr olunub. Qonaq qismində dəvət olunan Regional Vəkil Bürosunun üzvü Nigar Hüseynova və SDU-nun Pedaqogika-psixologiya kafedrasının baş müəllimi, Bioloji Təbabət Klinikasının aparıcı psixoloqu İradə Hüseynova mövzu ilə əlaqədar müzakirələr aparıblar.
Diskussiya zamanı tədbir iştirakçılarını maraqlandıran suallar vəkil və psixoloq tərəfindən ətraflı cavablandırılıb.
