Sumqayıt Kimya Sənaye Parkında "İVECO" markalı avtobusların istehsalı barəsində müzakirə aparılır. Bu haqda bu gün, 17 fevral tarixində APA məlumat yayıb.
Məlumata əsasən, müzakirələr İqtisadiyyat naziri Mikayıl Cabbarov və “Iveco Truck & Bus” şirkətinin Qafqaz və Mərkəzi Asiya üzrə direktoru Roman Smirnovun başçılıq etdiyi nümayəndə heyəti arasında aparılıb. Fikir mübadiləsi zamanı avtobuslarla yanaşı, xüsusi təyinatlı avtomobillərin istehsalı haqda da danışılıb.
Tərəflər həmçinin “Araz Vadisi İqtisadi Zonası” Sənaye Parkında texniki xidmət mərkəzinin təşkili və yük avtomobillərinin yığılması layihələrinin reallaşdırılması məsələlərini də müzakirə ediblər.
