Sumqayıtda həkimin evindən 25 min manatlıq oğurluq edilib.
Sumqayit24.az-ın məlumatına görə, hadisə şəhərin 47-ci məhəllədə yerləşən mənzildə qeydə alınıb.
Belə ki, Sumqayıtda yaşayan Nəbi adlı şəxs usta kimi fəaliyyət göstərir.
O, uzun illər qonşuluğunda Gülbar adlı həkimin tək yaşadığını və onun mənzilində pulunun olduğunu bilirdi. Bir gün Gülbar evini təmir etdirmək üçün Nəbini evə çağıraraq, açarları ona verib. Nəbi tanışı ilə əvvəlcədən əlbir olaraq evdən oğurluq edib. O, dostu İlkinlə ümumilikdə 25 min 555 manat dəyərində pul və qızıl-zinət əşyalarını talayıb. Hadisədən sonra Nəbi saxlanılaraq cinayət məsuliyyətinə cəlb edilib.
Sumqayıt Şəhər Məhkəməsində istintaq zamanı Nəbi özünü təqsirli bildiyini, əməlindən peşman olduğunu, dəymiş ziyanı ödədiyini və zərərçəkmişin ona qarşı heç bir şikayətinin olmadığını söyləyib. Məhkəmənin yekun qərarı ilə Nəbi özgənin xeyli miqdarda əmlakını oğurlamaqda təqsirləndirilib və 2 il müddətinə azadlıqdan məhrum edilib.
