Sumqayıtda küçələrdən birində kanalizasiya sistemində yaranan nasazlıq ciddi problem yaradıb.
Sumqayit24.az-a daxil olan məlumata görə, sözügedən vəziyyət Niyazi küçəsində qeydə alınıb.
Belə ki, kanalizasiya sularının küçəyə axması nəticəsində ərazi keçilməz vəziyyətə düşüb.
Yaranmış vəziyyət həm hərəkətdə çətinlik yaradır, həm də ərazidə antisanitar vəziyyət formalaşdırır.
Sakinlər aidiyyəti qurumlardan problemin qısa zamanda aradan qaldırılmasını tələb edirlər.
