Sumqayıtda "McCafe”nin açılışı baş tutub. Sumqayıt24 bu barədə 3 oktyabr tarixində Azxeber.com-a istinadən məlumat verir.
"McCafe” "McDonald's” restoranının daxilində yerləşir. Kafenin bütün əməkdaşları qəhvə və onun əsasında müxtəlif içkilərin hazırlanması üzrə xüsusi təlim kursu keçmiş baristalardır. Bu brendin əsas xüsusiyyəti burada münasib qiymətə və komfortlu şəraitdə premium keyfiyyətli dənli qəhvə və nəfis desertlərin təqdim olunmasıdır.
"McCafe” təchizatçılarının seçimi təqdim olunan məhsulların "McDonald's” standartlarına cavab verməsinə dair ciddi tələb əsasında həyata keçirilib. Qəhvə içkilərinin hazırlanmasında Mərkəzi və Cənubi Amerikadan gətirilən seçilmiş 100% "Arabica” dənələrindən istifadə olunur.
Ünvan: Sumqayıt şəhəri, Sülh küçəsi, Bağça Şəhər yaşayış kompleksi, bina 16a.
