15 İyun – Milli Qurtuluş Günü münasibətilə Sumqayıt şəhərində bayram tədbiri keçirilib.
Sumqayit24.az xəbər verir ki, tədbirdə Sumqayıt Şəhər İcra Hakimiyyətinin başçısı Zakir Fərəcov, hüquq-mühafizə orqanlarının rəhbərləri, şəhərin idarə, müəssisə və təşkilatlarının kollektivləri, şəhid ailələri, qazilər və ictimaiyyət nümayəndələri iştirak ediblər.
İştirakçılara Milli Qurtuluş Gününün tarixi əhəmiyyətini əks etdirən sənədli film nümayiş etdirilib. Filmdə Azərbaycanın müstəqilliyinin ilk illərində üzləşdiyi mürəkkəb ictimai-siyasi vəziyyət, dövlətçiliyin ciddi təhlükələrlə üz-üzə qalması, xalqın təkidli tələbi ilə Ümummilli Lider Heydər Əliyevin hakimiyyətə qayıdışı və ölkənin sabitlik, inkişaf yoluna çıxarılması geniş şəkildə əks olunub.
Çıxışlardan sonra isə tanınmış incəsənət ustalarının iştirakı ilə konsert proqramı təqdim olunub.
