Dənizdə boğulduğu deyilən Kənan Qurbanlı 9 aydan sonra Sumqayıtda sağ tapılıb.
O, “Xəzər Xəbər”ə başına gələn hadisə, indiyə kimi harada olduğu və digər məsələlər barədə açıqlama verib.
Kənan Qurbanlı ötən ilin avqust ayının 19-da ailəsi ilə birgə dənizə çimməyə gedib. Çimərlik geyimində dənizə girən Kənan anidən gözdən itib. Valideynləri ilə yanaşı, hər kəs onun dənizdə boğulduğunu düşünüb.
Həmin vaxtdan dənizdə Kənanın nəşinin axtarışları davam edirdi. Ancaq tapılmırdı ki, tapılmırdı.
İndi baş verənlər isə onun öldüyünü düşünən ailəsi üçün əsl sürpriz olub. Çünki Kənan düz 9 aydan sonra dünən sağ-salamat evlərinə qayıdıb. O, 9 aydır ki, gizlənməyinin səbəblərini izah edib və həmin gün əslində suda boğulduğunu, onu tanımadığı bir nəfərin xilas etdiyini iddia edir.
Kənan bildirir ki, gizlənmək üçün Sumqayıtı seçib. O, bələdiyyə işçilərinin ona paltar verdiyini deyir. Bir neçə gün parkda yatdıqdan sonra əsl sənəti skripka ifa etmək olan Kənan inşaatda özünə iş də tapıb.
Kənan nəhayət 9 aydan sonra evinə qayıtmağa qərar verib. O, artıq hər şeyin yaxşı olduğunu, baş verənlərin geridə qaldığını bildirir.
Mövzu ilə bağlı daha ətraflı süjetdə:
View this post on Instagram
