Bu ayın sonu musiqi məktəblərində çalışan müəllimlərin attestasiyası həyata keçiriləcək.
Sumqayit24.az xəbər verir ki, bunu mədəniyyət naziri Adil Kərimli jurnalistlərə açıqlamasında deyib. Nazir bildirib ki, digər sahələrdə də attestasiyaların keçirilməsi planlaşdırılır.
Qeyd edək ki, hazırda ölkəmizdə 237 musiqi və incəsənət məktəbində 60 minə yaxın şagird təhsil alır, bu məktəblərdə 13 mindən çox müəllim fəaliyyət göstərir.
Attestasiya prosesi ilk olaraq Sumqayıt, Bakı şəhərlərində və Abşeron rayonunda fəaliyyət göstərən musiqi və incəsənət məktəblərində başlayacaq, daha sonra digər bölgələri əhatə edəcək.
