Sumqayıtda məktəb yolu təhlükə mənbəyinə çevrilib.
Sumqayit24.az-a müraciət edən vətəndaşlar “Təfəkkür” liseyinin önündən keçən yoldan şikayətlənirlər. Onların sözlərinə görə, 3-cü mikrorayonda yerləşən təhsil ocağından çıxan uşaqları hər an maşın vura bilər.
“Ərazidə nə piyada keçidi, nə də ki, xüsusi işarə var. Sumqayıt Şəhər İcra Hakimiyyətinə şikayət etmişik. Yolun məhəllə daxilində olduğu üçün tədbir görmürlər. Bu, dəhşətdir. Məktəbdən hər gün yüzlərlə şagird çıxır. Gərək birini avtomobil vursun ki, tədbir görsünlər?” - deyə narahat valideynlər bildiriblər.
