Şəhid İsax Verdiyevin doğum günündə xatirəsi anılıb. Bu barədə 21 sentyabr tarixində Sumqayıt24 xəbər verir.
İlk növbədə, səhər saatlarında Şəhidlər xiyabanı ziyarət olunub. Buraya gələn vətəndaşlar tərəfindən onun məzarı ətrafına gül dəstələri düzülüb. Daha sonra “Xəzər bağları” yaşayış massivində qəhrəman şəhidimizə həsr edilmiş barelyefin açılışı olub.
Tədbirdə İsaxın yaxınları ilə yanaşı, ictimaiyyət nümayəndələri və digər vətəndaşlar da iştirak ediblər.
Verdiyev İsax Ədalət oğlu 1997-ci il sentyabrın 21-də anadan olub. Vətən müharibəsi zamanı Füzulinin azadlığı uğrunda gedən döyüşlərdə savaşıb. 5 oktyabr 2020-ci ildə oradaca düşmən üzərinə hücuma keçərkən şəhidlik zirvəsinə ucalıb. Ailəli idi, bir oğlu yadigar qalıb.
İsax ölümündən sonra “Vətən uğrunda”, “Füzulinin azad olunmasına görə” medalları ilə təltif edilib.
[modula id="23566"]
