Sumqayıtda yol hərəkəti qaydalarına əməl olunması istiqamətində maarifləndirici kampaniya keçirilib.
Dünya TV-nin məlumatına görə, Şəhər İcra Hakimiyyəti və Polis İdarəsinin birgə təşkilatçılığı ilə həyata keçirilən reyd zamanı piyada keçidlərindən istifadə etməyən bir sıra sakinlərə cərimələr tətbiq edilib.
Gənc könüllülərin iştirakı ilə şəhərin müxtəlif ərazilərində maarifləndirici söhbətlər aparılıb, vətəndaşlara qaydalar izah olunub. Kampaniyanın əsas məqsədi piyadalar arasında yol təhlükəsizliyi vərdişlərinin formalaşdırılmasıdır.
