Sumqayıt şəhərinin Azərbaycan prospektində şəhid bulağının ətrafı natəmizlikdir. Sumqayıt24 bu haqda 12 iyun tarixində xəbər verir.
Niyaz Əliyev adına bulağın ətrafındakı vəziyyət sakinlərin narazılığına səbəb olub. Şikayətçilərin sözlərinə görə, ərazi iaşə və ticarət obyektlərinin işçiləri tərəfindən çirkləndirilir. Həmin obyektlərin işçiləri isə iddiaları təkzib edirlər.
“Qıraqdan gəlirlər, nəsə yuyurlar. Yəni bu sexin işçilərinin ora heç bir aidiyyəti yoxdur. Göstərə bilərəm, sexin öz kranı da, hər şeyi da var. Biz burada niyə yumayaq ki, gedək yolun ortasında, özü də şəhid bulağında. Bizim də şəhidimiz var”, - iaşə obyektinin işçisi Əzim Əzimzadə bildirib.
İcra Hakimiyyətindən də BakuTV-yə məsələ ilə bağlı açıqlama verilib. Qurumdan bildirilib ki, digər ərazilərdə olduğu kimi, sözügedən ərazidə də mütəmadi olaraq, təmizlik işləri aparılır. Əraziyə nəzarət olunur. Ancaq bəzən sakinlərin də təmizliyə riayət etmələrinə ehtiyac yaranır:
“Sözügedən ərazinin daima təmiz saxlanılması üçün ətraf sakinlərin də təşəbbüs göstərmələri arzuolunandır”.
