Sumqayıtda küçələrin birinə Vətən müharibəsi şəhidinin adı verilib və xatirə lövhəsinin açılış mərasimi keçirilib. Sumqayıt24 bu barədə 29 sentyabr tarixində DünyaTV-yə istinadən məlumat verir.
Novxanı qəsəbəsində şəhid Ramil Quliyevin xatirəsini əbədiləşdirmək məqsədilə ailəsinin yaşadığı küçəyə şəhidimizin adı verilib. Küçənin girişində isə xatirə lövhəsi quraşdırılıb. Açılış mərasimində şəhidin doğmaları və yaxınları, millət vəkili Müşfiq Məmmədli, şəhər idarə rəhbərləri, din xadimləri, məktəb kollektivləri və ictimaiyyət nümayəndələri iştirak ediblər.
Ramil Elşən oğlu Quliyev ölümündən sonra “Vətən uğrunda” və “Xocavəndin azad olunmasına görə” medalları ilə təltif olunub.
