Sumqayıt və Bakı dəmiryol vağzallarında, eləcə də Koroğlu dayanacağında tətbiq edilən SİMA Pay üztanıma ödəniş sistemindən istifadə edən sərnişinlərin sayı 9 mini keçib.
Sumqayit24.az xəbər verir ki, bu barədə Azərbaycan Dəmir Yolları (ADY) məlumat yayıb. Qurumdan bildirilib ki, iki aydır istifadədə olan sistem gündəlik turniket keçidlərində sərnişinlərə daha sürətli və rahat keçid imkanı yaradır.
Qeyd olunub ki, ictimai nəqliyyatda ilk dəfə ADY tərəfindən tətbiq edilən bu rəqəmsal həll sayəsində sərnişinlər turniketdən cəmi 2 saniyə ərzində keçə bilirlər.
