Saray qəsəbəsində canavarların qeydə alındığı iddia olunan görüntülər yayılıb.
Görüntülərin qəsəbənin Aslan İsmayılov küçəsində çəkildiyi bildirilir. Ərazidə yırtıcıların peyda olma ehtimalı sakinlər arasında narahatlıq yaradıb. Onlar aidiyyəti qurumları ərazidə tədbir görməyə çağırıblar.
Sumqayit24.az məsələ ilə bağlı Saray Bələdiyyəsinə sorğu ünvanlayıb. Qurumdan bildirilib ki, son gündə ərazidə canavarların olması ilə bağlı yayılan məlumatlar araşdırılıb:
"Aparılan araşdırma nəticəsində görüntülərdəki heyvanların canavar deyil, it növü olan xaski olduğu müəyyən edilib. Bununla bağlı yayılan məlumatların həqiqəti əks etdirmədiyini diqqətinizə çatdırırıq".
