Sumqayıt şəhərində yekunlaşdırılmayan təmir işləri narahatlıq doğurur.
Sumqayit24.az-a bu barədə sakinlər məlumat veriblər.
Qeyd olunub ki, Heydər Əliyev adına parkın yaxınlığında intensiv yağışlar zamanı kanalizasiya sistemində problem yaranıb.
Bununla əlaqədar ərazidə müəyyən təmir işləri həyata keçirilib.
Sakinlərin sözlərinə görə, işlər başa çatdıqdan sonra yol örtüyü tam bərpa edilməyib və ərazi yarımçıq vəziyyətdə qalıb.
Şikayətçilər aidiyyəti qurumlardan əraziyə baxış keçirilməsini və yol örtüyünün tam bərpa olunmasını xahiş edirlər.
