Dövlət İmtahan Mərkəzinin (DİM) təşkil etdiyi imtahanlarda PISA (Beynəlxalq Şagird Qiymətləndirmə Proqramı - Programme for International Student Assessment ) tipli tapşırıqlar tətbiq edilə bilər.
Bunu Təhsil İnstitutunun direktor səlahiyyətlərini müvəqqəti icra edən, elm və təhsil nazirinin müşaviri Elnur Əliyev PISA beynəlxalq qiymətləndirmə tədqiqatı ilə bağlı məlumatlandırma görüşündə deyib.
Onun sözlərinə görə, DİM də son dövrlərdə PISA tipli, bacarıq əsaslı tapşırıqların hazırlanması istiqamətində fəaliyyətə başlayıb:
"Gələcəkdə bu yanaşmanın DİM-in keçirdiyi imtahanlarda da tətbiq olunması gözlənilir".
Mənbə: Report.az
