2026-cı ilin avqust ayında Sumqayıtda havanın temperaturu bəzi günlərdə normadan aşağı düşüb, ay ərzində isə isti hava şəraiti üstünlük təşkil edib.
Sumqayit24.az Milli Hidrometeorologiya Xidmətinə istinadən xəbər verir ki, avqust ayında şəhərimizin də yerləşdiyi Abşeron yarımadasında havanın temperaturu 27 gün normadan 0–5 dərəcə yuxarı, 4 gün isə 0–3 dərəcə aşağı olub.
Yarımada üzrə orta aylıq temperatur 28 dərəcə isti təşkil edib. Bu göstərici iqlim normasından 2 dərəcə yüksəkdir.
Ay ərzində Abşeronda ən aşağı temperatur avqustun 31-də Sumqayıtda qeydə alınıb - 19 dərəcə.
Avqustda ayında həmçinin intensiv leysan yağış və xırda dənəli dolu da müşahidə edilib.
Hesabat dövründə 12 gün küləkli hava müşahidə olunub. Küləyin maksimal sürəti isə 23 m/s-ə çatıb.
