Sumqayıtda məhəllələrdən birində binanın fasadındakı vəziyyət narahatlıq doğurur.
Sumqayit24.az-a bu barədə sakinlər məlumat veriblər.
Qeyd olunub ki, 1-ci məhəllə, Azərbaycan prospektində yerləşən binanın fasadında olan həcmli konstruksiya elementləri qəzalı vəziyyətə düşüb.
Sakinlərin sözlərinə görə, həmin elementlərin qoparaq yerə düşmə təhlükəsi var.
"Bura insanların intensiv istifadə etdiyi ərazidir. Neçə vaxtdır vəziyyət belədir. Hər an kiminsə başına düşə bilər", - deyə vətəndaşlar narahatlıqlarını bildiriblər.
Şikayətçilər aidiyyəti qurumlardan əraziyə baxış keçirilməsini və təhlükəli vəziyyətin aradan qaldırılmasını xahiş edirlər.
