Sumqayıtda yataqxana sakinləri qonşudan şikayət edirlər. İddiaya görə, tüfeyli həyat tərzi sürən kişi onların üstünə bıçaq çəkir.
XəzərTV-nin məlumatına görə, 15-ci məhəllə ərazisindəki 5 saylı yataqxananın sakinlərinin sözlərinə görə, binanın 4-cü mərtəbəsində yaşayan Məcid Zülfiqarov adlı şəxs onların həyatı üçün təhlükəyə çevrilib.
Uşaqlar, yaşlılar evdən çölə çıxmağa qorxurlar. İddialara görə, həmin şəxs ötən gün öz evinə od vuraraq yataqxananı yandırmaq istəyib.
İttiham olunan şəxs hazırda orada yaşamır. Onun qardaşı Səttar Zülfiqarov da sakinlərin dediklərini təsdiqləyir.
Mövcud vəziyyətlə bağlı Daxili İşlər Nazirliyinin (DİN) Mətbuat Xidmətindən bildirilib ki, sözügedən şəxslə bağlı daxil olan şikayət əsasında araşdırma aparılır.
View this post on Instagram
