Sumqayıt Dövlət Dram Teatrının təşkilatçılığı ilə Sumqayıt şəhərində uşaqlar üçün nəzərdə tutulan "Dünya Cizgi Filmi Qəhrəmanları – 1 Gün Sumqayıtda" adlı interaktiv şou-tamaşa təqdim ediləcək.
Sumqayit24.az xəbər verir ki, şou-tamaşa ərzində uşaqları sevimli cizgi film qəhrəmanları, əyləncəli səhnə epizodları, musiqi nömrələri, interaktiv oyunlar və müxtəlif sürprizlər gözləyir. Tamaşa uşaqlara həm əyləncə, həm də unudulmaz emosional anlar yaşatmağı hədəfləyir.
Səhnədə dünya cizgi və film aləminin məşhur obrazlarının canlandırılması nəzərdə tutulur.
Tədbir 27 iyun saat 11:30-da və 28 iyun saat 14:30-da Sumqayıt Dövlət Dram Teatrında baş tutacaq.
Biletləri iTicket.аz platforması vasitəsilə əldə etmək mümkündür.
