Sumqayıtda "Tarix yazan, tarixə sığmayan şəhidlər" adlı tədbir baş tutub. Bu barədə 24 sentyabr tarixində Mədəniyyət Xəbərlərinə istinadən məlumat veririk.
General-mayor Polad Həşimov adına 28 nömrəli tam orta məktəbin şagirdlərinin iştirakı ilə keçirilən tədbir Nizami Gəncəvi adına Kitabxana Klubunda baş tutub. Yığıncaqda şəhidlərimizin əziz xatirəsi 1 dəqiqəlik sükutla yad edilib. Kitabxanaçı Səadət Allahverdiyeva tədbir iştirakçılarına Vətən müharibəsində qazandığımız qələbədən danışaraq burada təşkil olunan vətənpərvərlik mövzusunda yazılmış kitab və dövrü mətbuatdan ibarət "Qarabağ Azərbaycandır" başlıqlı sərgi haqqında məlumat verib. Burada şagirdlərin ifasında vətənə, şəhidlərimizə həsr olunan şeirlər dinlənilib. Tədbirin sonunda mövzu ilə bağlı videoçarx nümayiş olunub.
