Sumqayıtda yağışdan sonra ərazinin keçilməz vəziyyətə düşməsi sakinlərin narazılığına səbəb olub.
Sumqayit24.az-a bu barədə 13-cü mikrorayon, 43 saylı yaşayış binasının sakinləri məlumat veriblər.
Vətəndaşların sözlərinə görə, bir neçə saat əvvəl yağan yağış nəticəsində ərazidə yol su altında qalıb. Bu isə xüsusilə piyadaların hərəkətini çətinləşdirib.
Sakinlərin iddiasına əsasən, ərazidə aparılan qazıntı işlərindən sonra vəziyyət daha da pisləşib. Həmçinin yağış zamanı binanın zirzəmisinin də su ilə dolduğu qeyd olunub.
"Bir az yağış yağan kimi xüsusilə uşaqlar məktəbə gedib-gələ bilmirlər. Hələ yağışlı havalar qarşıdadır, onda vəziyyət necə olacaq?", - deyə sakinlər narahatlıqlarını ifadə ediblər.
Onlar aidiyyəti qurumlardan problemin həlli üçün tədbir görülməsini tələb edirlər.
