Sumqayıt şəhəri, 13-cü mikrorayon ərazisində antisanitar vəziyyət yaranıb.
Sumqayit24.az-a müraciət edən sakinlərin sözlərinə görə, ərazidə yerləşən zibil konteynerləri aşıb-daşır, yaxınlıqda isə tullantılardan kiçik "dağ" əmələ gəlib. Zibil vaxtında daşınmadığı üçün əraziyə üfunət yayılır. İnsanlar isti havalarda vəziyyətin daha da dözülməz olduğunu bildirirlər.
Əraziyə səpələnən tullantılar həm antisanitar görüntü yaradır, həm də sakinlərin sağlamlığı üçün təhlükə hesab olunur. Buna baxmayaraq, vətəndaşlar aidiyyəti qurumların problemin aradan qaldırılması istiqamətində heç bir tədbir görmədiyini deyirlər..
