Sumqayıt Kimya Sənaye Parkının Yun-əyirici Boyaq Fabrikinin nümayəndələri konfransa qatılacaqlar. Sumqayıt24 bu haqda 12 iyun tarixində xəbər verir.
“Qoyunçuluğun problemləri, Yun istehsalı, emalı və marketinqi” mövzusunda elmi-praktiki konfrans Kənd Təsərrüfatı Nazirliyi (KTN), Heyvandarlıq Elmi Tədqiqat İnstitutu, Türkiyə Respublikası Selçuk Universiteti tərəfindən 16 iyun tarixində təşkil olunacaq.
Tədbirdə ölkəmizdə qoyunçuluq sənayesindəki ən son yeniliklər, yun istehsalında ən son tendensiyalar, mütərəqqi texnoloji innovasiyalar və bazar perspektivləri, yunun emalı və satışı ilə bağlı mövcud vəziyyət müzakirə ediləcək.
Elmi-praktiki konfransda, həmçinin KTN-in, AXA-nın, “Azəraqrar” İstehsalat Birliyinin, Xalça muzeyinin, “Azərxalça”nın nümayəndələrinin və Selçuk Universiteti Baytarlıq Fakültəsinin dosenti Dr. Ersad Sami Polatın iştirakı nəzərdə tutulub.
