9 illik orta təhsil bazasında kolleclərə ixtisas seçimi davam edir. Bu il seçim edən abituriyentlər üçün vacib məqamlardan biri də Ə.Əliyev adına Sumqayıt Tibb Kollecinə qəbul qaydaları ilə bağlıdır.
Sumqayit24.az xəbər verir ki, sözügedən təhsil ocağı yalnız tam (11 illik) orta təhsil bazasında tələbə qəbulu aparır. Buna görə də 9-cu sinif məzunları ixtisas seçimi zamanı bu kolleci seçim siyahılarında görə bilməyəcəklər.
Məlumata görə, 11 illik orta təhsil bazasında qəbul aparılıb, lakin 9 illik orta təhsil bazasında qəbul nəzərdə tutulmayan orta ixtisas təhsili müəssisələri sırasında Ə.Əliyev adına Sumqayıt Tibb Kolleci ilə yanaşı, 1 nömrəli Bakı Tibb Kolleci, 2 nömrəli Bakı Baza Tibb Kolleci, Gəncə, Quba, Mingəçevir, Şəki, Lənkəran, Saatlı, Cəlilabad və Naxçıvan Tibb kollecləri də yer alır.
