Sumqayıt şəhəri, Kimyaçılar qəsəbəsinin Xəzər dənizi sahili və dənizə gedən yolda yaranan antisanitar vəziyyət aradan qaldırılıb.
Sumqayit24.az-ın əldə etdiyi məlumata görə,ərazidəki məişət tullantıları polis əməkdaşları və aidiyyəti qurumların əməkdaşları ilə birgə ərazidən təmizlənib.
Qeyd edək ki, ötən gün sözügedən ərazinin məişət tullantıları ilə çirkləndirilməsi ilə bağlı xəbər redaksiyamız tərəfindən yayımlanıb. Paylaşımda sakinlər əraziyə zibil qutularının yerləşdirilməsini, nəzarət kameralarının quraşdırılmasını və ətraf mühitə tullantı atan şəxslərə qarşı tədbir görülməsini xahiş edirdilər.
Hazırda ərazidə təmizlik işləri aparılıb və sahil zibil tullantılarından təmizlənib.
