Sumqayıtın dəniz sahilində antisanitar vəziyyətlə bağlı narazılıq var.
Bu barədə sosial şəbəkələrdə paylaşım edilib.
Bildirilib ki, Xəzər dənizinin Sumqayıt şəhərinin Kimyaçılar qəsəbəsi ərazisindən keçən hissəsində və dənizə gedən yolda ətraf məişət tullantıları ilə çirkləndirilib. Sakinlərdən biri ərazidəki vəziyyəti videoya çəkərək vətəndaşlara və aidiyyəti qurumlara çağırış edib.
"Lütfən, bura zibil qabları yerləşdirin, kameralar quraşdırın, cərimələr tətbiq edin. Bircə Xəzərimiz var, onu da zibilləməyin. Evinizi zibilləyirsiz? Yox. Bəs istirahət etdiyiniz yeri niyə bu günə qoyursunuz? Siz uşaqlarınıza bu cür örnək olursunuz? Onlar da sabah böyüyüb zibilliyi təbliğ edəcək",- deyə vətəndaş paylaşımında qeyd edib.
Video: Dəniz Pənahova
