Azərbaycan deputatları futbol turnirində gümüş medal qazanıblar.
Sumqayit24.az xəbər verir ki, Türkiyənin Antalya şəhərində Türk Dünyası Parlamentlərarası beynəlxalq yarışın final matçı keçirilib. Həlledici oyunda Azərbaycan və Türkiyə nümayəndələri üz-üzə gəliblər.
Qarşılaşma Türkiyə komandasının 3:1 hesablı qələbəsi ilə başa çatıb və Azərbaycan turniri ikinci yerdə tamamlayıb.
Onu da qeyd edək ki, ölkəmi təmsil edən kollektivdə 47 saylı Sumqayıt-Abşeron-Qaradağ seçki dairəsinin deputatı Zaur Şükürov da yer alıb.
