Sumqayıt Şəhər Polis İdarəsinin rəisi, polis polkovniki Fəqan Azadəliyev həmkarı olan veteran Əli Məlikovu 90 yaşı münasibətilə təbrik edib. Bu haqda 3 may tarixində Sumqayıt24 Modern.az-a istinadən xəbər verir.
Polis polkovniki və idarənin əməkdaşları yubilyarı ziyarət edib, maddi və mənəvi dəstək göstəriblər. F.Azadəliyev 90 illik yubileyi münasibətilə Ə.Məlikovu təbrik edib, möhkəm cansağlığı arzulayıb. Sonra asayiş keşikçiləri üzərində polis baş çavuşu uniformasında şəkli həkk olunmuş, xüsusi əl işi olan xalçanı yubilyara təqdim ediblər. Görüşün sonunda yubilyar ona göstərilən yüksək diqqət və qayğıya görə DİN rəhbərliyinə təşəkkürünü də ifadə edib.
Qeyd edək ki, Əli Məlikov xidmət müddətində 10, 15, 20 və 25 il nümunəvi xidmət, əmək veteranı və bir çox orden, medallarla, həmçinin “Milis əlaçı” döş nişanı ilə təltif olunub.
