Sumqayıtın keçmiş məmuruna vəzifə verilib.
İqtisadiyyat.az-ın əldə etdiyi məlumata görə, Suraxanı Rayon İcra Hakimiyyətinin (RİH) başçısı Adil Əliyevin əmri ilə Sosial-iqtisadi inkişafın təhlili və proqnozlaşdırılması şöbəsinə yeni müdir təyin olunub.
Əmrə əsasən, qeyd olunan vəzifəyə Astanov Mütəllim Dağbəyi oğlu təyin edilib. O, bu postda bir müddət əvvəl Beyləqan Rayon İcra Hakimiyyətində vəzifəyə gedən Əliyev Eldəniz Əliqulu oğlunu əvəzləyib.
Qeyd edək ki, 1982-ci il təvəllüdlü Mütəllim Astanov isə əvvəllər Sumqayıt şəhəri, 1 saylı ərazi dairəsi üzə icra nümayəndəsi vəzifəsində çalışıb. O, "Az Motor Doktor” Məhdud Məsuliyyətli Cəmiyyətinin qanuni təmsilçisi Dağbəyi Astanovun oğludur.
