Müharibənin ilk günündə şəhid olan sumqayıtlı gənclər Mahir Xələfli və Tərlan Rzayevin anım günüdür.
Tərlan Rzayev 21 may 2001-ci ildə Sumqayıt şəhərində anadan olub. O, 27 sentyabr 2020-ci ildə Füzulinin azadlığı uğrunda gedən döyüşlərdə şəhidlik zirvəsinə ucalıb. Prezident İlham Əliyevin sərəncamlarına əsasən, şəhidimiz "Vətən uğrunda" və "Füzulinin azad olunmasına görə" medalları ilə təltif edilib.
Mahir Xələfli 8 aprel 2001-ci ildə Sumqayıt şəhərində dünyaya gəlib. Əslən Qubadlı rayonunun Qiyaslı kəndindən idi. Vətən müharibəsi zamanı Murovdağın azadlığı uğrunda savaşıb və oradaca şəhidlik zirvəsinə ucalıb. Dövlət başçısının sərəncamları ilə Mahir Xələfli ölümündən sonra "Vətən uğrunda" və "Kəlbəcərin azad olunmasına görə" medallarına layiq görülüb.
Hər iki gəncimiz Sumqayıt Şəhidlər xiyabanında torpağa tapşırılıb.
