Sumqayıtda XTQ kəşfiyyatçısı, şəhid Nadir Rzayevə həsr olunmuş “Şəhid taleyi” filminin təqdimatı olub. Bu barədə Sumqayıt24 xəbər verir.
Tədbir Sumqayıt Dövlət Universitetinin (SDU) Böyük Akt zalında baş tutub. Burada şəhid ailələri, qazilər, millət vəkilləri Hicran Hüseynova, Müşfiq Məmmədli, Emin Hacıyev, SDU-nun professor-müəllim və tələbə heyəti iştirak ediblər.
Şəhid Ailələrinə Qayğı Cəmiyyətinin sədri Müşfiq Əliyev çıxış edərək şəhidlərimizin adlarının əbədiləşdirilməsi məqsədilə çəkilən filmin əhəmiyyətindən danışıb. Sonra isə Nadirin ailəsinə söz verilib.
Qeyd edək ki, film Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və Şəhid Ailələrinə Qayğı Cəmiyyətinin təşkilatçılığı ilə çəkilib. [modula id="25404"]
