Bu gün sumqayıtlı şəhidin doğum günüdür.
Teymur Əzizov 1987-ci il iyunun 22-də Sumqayıt şəhərində anadan olub. Sumqayıt şəhər 14 saylı məktəbdə orta, Sumqayıt Dövlət Universitetində isə ali təhsil alıb.
Azərbaycan Ordusunun leytenantı olan Teymur Əzizov 2020-ci il sentyabrın 27-də başlanan Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb. Teymur Əzizov oktyabrın 6-da Füzuli döyüşləri zamanı şəhid olub. Sumqayıt Şəhidlər Xiyabanında dəfn olunub.
Prezident İlham Əliyevin Sərəncamlarına əsasən Teymur Əzizov ölümündən sonra "Vətən uğrunda", "Cəbrayılın azad olunmasına görə", "Füzulinin azad olunmasına görə" medalları ilə təltif edilib.
