Sumqayıtda qurulacaq Təlim və Simulyasiya Mərkəzində hazırlıq işlərinə başlanılıb. Sumqayıt24 bu barədə 29 sentyabr tarixində TƏBİB-ə istinadən xəbər verir.
Ümumdünya Səhiyyə Təşkilatının (ÜST) Azərbaycandakı Nümayəndəliyi və ABŞ Beynəlxalq İnkişaf Agentliyinin (USAID) təcili tibbi yardımın, infeksiyanın qarşısının alınmasının, nəzarət sistemlərinin təkmilləşdirilməsinə yönəlmiş layihə çərçivəsində Sumqayıt Tibb Mərkəzində görüş keçirilib. Adıçəkilən qurumların mütəxəssisləri və məsul şəxsləri mərkəzin qurulacağı ərazidə işlərin gedişi ilə tanış olublar. USAID tərəfindən maliyyələşdirilən layihənin dəyəri 3,35 milyon dollar təşkil edir.
