Terror aktının törədiləcəyi barədə yalan məlumat yayan Fərid Butayevin cinayət işi üzrə ibtidai istintaq yekunlaşıb. Sumqayıt24 Pravda.az-a istinadən xəbər verir.
İş Sumqayıt Ağır Cinayətlər Məhkəməsində hakim Aynur Rzayevanın sədrliyi ilə araşdırılacaq.
Məhkəmənin hazırlıq iclasının vaxtı hələlik məlum deyil.
Qeyd edək ki, bir müddət əvvəl sosial şəbəkələrdə Bakı Metropolitenində terror aktının törədiləcəyi ilə bağlı səs yazısı yayılmışdı. Dövlət Təhlükəsizliyi Xidməti tərəfindən yazının Sumqayıt sakini, 22 yaşlı F. Butayevə məxsus olduğu məlum olub. O, sözügedən materialı WhatsApp vasitəsilə paylaşmışdı.
Butayev saxlanılaraq Cinayət Məcəlləsinin 216-cı (terrorçuluq barədə bilə-bilə yalan məlumat vermə) maddəsi ilə təqsirləndirilən şəxs qismində məsuliyyətə cəlb edilib.
