Sumqayıtda məhəllələrin birində kanalizasiya problemi sakinlərin gündəlik həyatını çətinləşdirib.
Sumqayit24.az-a daxil olan məlumata görə, 48-ci məhəllədə yerləşən 8 saylı, 60 mənzilli yaşayış binasının zirzəmisini kanalizasiya suları basıb.
Sakinlərin sözlərinə əsasən, yayılan üfunət qoxusuna görə ərazidə hərəkət etmək olmur.
Bundan əlavə, zirzəmidə toplanan çirkab sular müxtəlif həşəratların çoxalmasına səbəb olub ki, bu da bina sakinləri üçün əlavə narahatlıq yaradır.
Vətəndaşlar aidiyyəti qurumlardan mövcud problemin həllini tələb edirlər.