Ukraynadan gələn nümayəndə heyəti Sumqayıtın qonağı olub. Bu barədə 21 sentyabr tarixində Sumqayıt24 xəbər verir.
Qonaqlar Bülbül adına 2 nömrəli Uşaq İncəsənət Məktəbinin laureatları və onların müəllimlərini diplom və medallarla təltif etmək üçün təşrif buyurublar. Müsabiqənin rəhbəri Yelena Muxina və sədri Lyubov Serbina qalibləri təbrik ediblər. “Sozvezdiye Evropa-Aziya”, “Qış melodiyası" çoxjanrlı beynəlxalq müsabiqələrdə məktəbin fortepiano şöbəsinin 2 şagirdi uğurla çıxış edərək laureat adını qazanıb. Müəllimlərdən Gülbəniz Həsənovanın sinfində təhsil alan 4-cü sinif şagirdi Aydan Əliyeva 1-ci dərəcəli, 3-cü sinif şagirdi İsmayıl Şahbazlı isə 2-ci dərəcəli laureat adına layiq görülüblər. Sonda qonaqlara məktəbin gənc rəsm müəllimi Səbinə Həsənzadənin hazırladığı əl işi təqdim olunub.
