Sumqayıt məktəbliləri arasında breyn-rinq yarışı keçirilib. Bu haqda 5 may tarixində Sumqayıt24 Abşeron-Xızı Regional Təhsil İdarəsinə istinadən xəbər verir.
Bilik yarışı ümummilli lider Heydər Əliyevin 100 illiyi xatirəsinə həsr olunub. Turnirdə Sumqayıt məktəblərindən ibarət 46 komanda iştirak edib. 3 mərhələdən ibarət olan yarışda 30 sual təqdim olunub.
Gərgin keçən yarışın sonunda:
- 1 nömrəli məktəbin “Komando” komandası 1-ci yerə,
- 28 nömrəli məktəbin “Kepler” komandası 2-ci yerə,
- 25 nömrəli məktəbin “Murovdağ” komandası 3-cü yerə,
- 11 nömrəli məktəbin “Delta” komandası 4-cü yerə,
- 24 nömrəli məktəbin “Çanaqqala komandası 5-ci yerə,
- 12 nömrəli məktəbin “Tusi” komandası isə 6-cı yerə layiq görülüb.
Sonda qalib komandalar qiymətli hədiyyələr və diplomla təltif olunublar. Qalib komandaya “Bilik” kuboku təqdim edilib.
