Sumqayıtda ümummilli lider Heydər Əliyevin 100 illiyi çərçivəsində qanvermə aksiyası keçirilib. Bu haqda 8 aprel tarixində Sumqayıt24 Xeberle.com-a istinadən məlumat verir.
Regional Ədliyyə İdarəsinin təşkil etdiyi xeyriyyə aksiyasında yerli ədliyyə qurumları və Sumqayıt bələdiyyələri iştirak ediblər.
Mərkəzi Qan Bankı tərəfindən donorların sağlamlıq vəziyyəti yoxlanıldıqdan sonra onlardan qan götürülüb. Tədarük olunan qan və qandan hazırlanan preparatlar hemofiliya və talassemiyalı xəstələrin, eləcə də qana ehtiyacı olan insanların müalicəsində istifadə olunacaq.
