Bülbül adına 2 nömrəli Uşaq İncəsənət Məktəbində konsert keçirilib. Sumqayıt24 bu haqda 5 iyun tarixində xəbər verir.
Tədbir Fortepiano şöbəsi tərəfindən təşkil olunub. 1-ci sinif şagirdləri rəngarəng solo və ansambl nömrələri ilə çıxış edərək dinləyicilərin zövqlərini oxşayıblar. Onları təbrik etmək üçün isə tədbirə 2-ci və 3-cü sinif şagirdləri də qatılıblar.
Konsertin sonunda Sumqayıt Regional Mədəniyyət İdarəsinin rəis müavini İlham Əhmədov və məktəbin direktoru Samir İsmayılov il ərzində müxtəlif beynəlxalq, respublika müsabiqələrində uğur qazanan 1-ci sinif şagirdlərini fəxri fərmanlarlarla mükafatlandırıblar.
