Sumqayıt qatarı “daşqalaq” edilib. Sumqayıt24 bu haqda 2 may tarixində Daxili İşlər Nazirliyinə (DİN) istinadən xəbər verir.
Hadisə aprelin 28-də baş verib. Bakı–Sumqayıt xətti ilə hərəkət edən sürət qatarı Xırdalan dəmir yolu stansiyasının ərazisindən keçərkən yoluna daşlar düzülüb və sağ yan şüşəsi daş atılaraq sındırılıb. Bu isə qatarın gecikməsinə və sərnişinlərin narahatlığına səbəb olub.
Dəmiryolu Nəqliyyatında Polis İdarəsinin Biləcəri Xətt Polis Şöbəsinin əməkdaşları əməli törədən 3 azyaşlını valideynləri ilə birlikdə Polis Şöbəsinə gətiriblər. Onlarla profilaktik söhbətlər aparılıb. Valideynlərə övladları üzərində nəzarəti gücləndirməyin vacibliyi vurğulanıb.
Araşdırmalar davam etdirilir.
