Sumqayıtla bağlı kitabın təqdimatı olub. Sumqayıt24 bu haqda 6 may tarixində xəbər verir.
"De Fendo" Vəkil Bürosunda Vəkillər Kollegiyası Rəyasət Heyətinin növbəti iclası keçirilib. İclasda görülən işlər barədə məlumat verilib. Sonra isə Kollegiyanın üzvü Aslan İsmayilovun yazdığı, türk, rus, alman, ingilis və fransız dillərində dərc olunan "Sumqayıt, SSRİ-nin süqutunun başlanğıcı" adlı kitabın təqdimatı keçirilib. Təqdimatda A. İsmayılov çıxış edərək Sumqayıt hadisələri, prokuror qismində çıxış etdiyi proses, həmin prosesdə gördükləri və s. barədə danışıb.
Ardınca elektron vəkil orderi ilə bağlı məsələyə baxılıb. Başlanğıc olaraq Sumqayıtda 1 büroda elektron orderdən pilot layihə kimi istifadə olunması qərara alınıb.
Sonda Kollegiyanın fəaliyyəti ilə əlaqədar əhəmiyyət kəsb edən digər məsələlərə baxılıb.
