Ceyranbatan qəsəbəsində, 1 nömrəli tam orta məktəbin yaxınlığında məskunlaşan keçmiş məcburi köçkün ailəsi ağır şəraitdə yaşadığını bildirir.
Ailənin sözlərinə görə, onlar 20 ildən artıqdır yararsız vəziyyətdə olan vaqonda yaşayırlar.
"Yağış yağanda sel suları evin içinə dolur, suyun içində qalırıq. İlan-qurbağanın əlindən evə girmək olmur. Yayda istidən nəfəs almaq, qışda isə soyuqdan burada qalmaq mümkün deyil", - deyə ailə üzvü Gülizar Abdullayeva qeyd edib.
Məsələ ilə bağlı Qaçqınların və Məcburi Köçkünlərin İşləri üzrə Dövlət Komitəsindən bildirilib ki, ailənin vəziyyəti barədə məlumatlıdır. Qeyd olunub ki, onların yeni mənzillərlə təminatı yalnız işğaldan azad edilmiş ərazilərdə həyata keçirilir.
Ətraflı Baku TV-nin süjetində:
