Azərbaycan Dövlət Sərhəd Xidmətinin Sərhəd Qoşunlarının hərbi qulluqçusuna rütbə verilib. Bu haqda 17 avqust tarixində Sumqayıt24 Prezident.az-a istinadən məlumat verir.
Prezident İlham Əliyevin müvafiq Sərəncamına əsasən, polkovnik Babək Ələkbərova general-mayor ali hərbi rütbəsi verilib.
Çevik Hərəkət Qüvvələrinin Komandanı olan Babək Mürsəl oğlu Ələkbərov 1987-ci il dekabrın 24-də Ceyranbatan qəsəbəsində anadan olub.
Azərbaycanın ərazi bütövlüyünün bərpa edilməsində xüsusi xidmətlərinə və hərbi qulluq vəzifəsini yerinə yetirən zaman igidlik və mərdliyin nümayiş etdirilməsinə görə ona "Vətən Müharibəsi Qəhrəmanı" adı verilib. DSX əməkdaşlarının Peşə bayramı günü münasibətilə Ələkbərov "İgidliyə görə" medalı ilə təltif edilib.
