Bu gün sumqayıtlı şəhidin doğum günüdür.
Əliyev Səmid Xoşbəxt oğlu 1998-ci il iyunun 5-də Sumqayıt şəhərinin Corat qəsəbəsində anadan olub. Corat qəsəbəsi 7 saylı tam orta məktəbdə təhsil alıb. Nişanlı idi.
Səmid Əliyev 44 günlük Vətən Müharibəsində könüllü iştirak edib. Sentyabrın 29-u Füzuli uğrunda gedən döyüşlərində yaralanıb və oktyabrın 1-i şəhidlik zirvəsinə ucalıb. Sumqayıt Şəhidlər Xiyabanında dəfn olunub.
Prezident İlham Əliyevin müvafiq sərəncamlarına əsasən, Səmid Əliyev ölümündən sonra "Vətən uğrunda" və "Füzulinin azad olunmasına görə" medalları ilə təltif edilib.
