Bu gün sumqayıtlı şəhidin doğum günüdür.
Şirbala Hüseynov 1990-cı il mayın 6-da Sumqayıt şəhərində anadan olub.
Hacı Zeynalabdin qəsəbəsi, 6 saylı tam orta məktəbdə oxuyub. Heydər Əliyev adına Hərbi İnstitutda isə ali təhsil alıb. Evli idi.
Azərbaycan Ordusunun kapitanı olan Şirbala Hüseynov 2020-ci il sentyabrın 27-də başlanan Vətən müharibəsi zamanı Füzulinin azadlığı uğrunda gedən döyüşlərdə savaşıb. Şirbala Hüseynov oktyabrın 2-də Füzuli döyüşləri zamanı şəhid olub. Sumqayıt şəhərinin Şəhidlər Xiyabanında dəfn olunub.
Prezident İlham Əliyevin sərəncamlarına əsasən, Şirbala Hüseynov ölümündən sonra "Vətən uğrunda", "Füzulinin azad olunmasına görə" medalları, III dərəcəli "Rəşadət" ordeni ilə təltif edilib.
