Xalq şairi Süleyman Rüstəmin oğlu Azad Rüstəmzadə vəfat edib.
Sumqayit24.az xəbər verir ki, bununla bağlı "Facebook" sosial şəbəkəsində məlumat paylaşılıb.
Bildirilib ki, o, ötən gün 80 yaşında dünyasını dəyişib.
Qeyd edək ki, Azad Rüstəmzadə 1946-cı ildə anadan olub. O, 1968-ci ildə Bakı Dövlət Universitetinin Şərqşünaslıq fakültəsinin ərəb dili şöbəsini bitirib və ərəb ədəbiyyatı üzrə filologiya elmləri namizədi olub.
Süleyman Rüstəm isə 1906-cı il martın 12-də Novxanı kəndində anadan olub. 1989-cu il iyunun 10-da Bakıda vəfat edib. Azərbaycan Dövlət Akademik Milli Dram Teatrının direktoru (1937–1938), "Ədəbiyyat qəzeti"nin baş redaktoru olub. Yaradıcılığında siyasi lirika və sevgi şeirləri mühüm yer tutur.
Məlumat üçün bildirək ki, A.Rüstəmzadə Süleyman Rüstəmin yeganə övladıdır. Onun bir oğlu, bir qızı var.
